Выканаў чарговую замову. Фірма пажадала мець шэраг рэклямных стэндаў "каб было вясёла, з гумарам, але па тэме, па нашаму так бы мовіць профілю". Вось адзін з гэтых стэндаў. Мяркуецца, што памер будзе 2,0х2,75 метры, а замест галавы селяніна -- лёха, каб можна было ўсім жадаючым сфоткацца, засунуўшы туды свой твар...
Калі размалёўваў гэты эскіз, да кампа падыйшла мая старэйшая дачка Дарота. Паглядзела, як я фарбую машынку на даляглядзе жоўтым колерам. Зазначыла:
-- Тата, ня трэба гэтую машынку жоўтым фарбаваць!..
-- Чаму?..
-- Яна ж тады як старажытнае таксі выглядае. А хіба можа старая таксічка падабацца трактару?!.
Я мусіў зьмяніць адценьне машыны. ;-)
У нядзелю браў шлюб мой сябра (і сусед па пакою пад час вучобы ў Акадэміі) Андрэй Волкаў. Вянчаньне адбывалася ў Свята-Духавым кафедральным саборы. Я пасьпеў зрабіць некалькі накідаў пад час набажэнства. Вось -- самы "падобны". Віншую Андрэя і Маргарыту! Жадаю доўгай і шчасьлівай сумеснай вандроўкі па жыцьці!
Канферэнцыя "Свабода думкі, сумленьня і рэлігіі" адбывалася 10 верасьня 2010 г. у Мінскім Міжнародным адукацыйным цэнтры імя Йоханэса Рау, а прасьцей кажучы, ў ІББ. Працягвалася доўга, таму хапала часу і на тое, каб паслухаць цікавыя даклады, і на тое, каб памаляваць.
На мінулым тыдні былі з сябрамі тры дні на выспе Чайчын на Браславах.
Alexandr Milinkievich:
Christian Mihr:
fr. Georg (translater) & Antony Bokun:
